د پاکستان وزيراعظم شهباز شريف د بهرنيو چارو وزیر اسحاق ډار د ملک مرستيال وزيراعظم ټاکلی دی.
پرون د پاکستان مرکز ي کابينې په يوه اعلاميه کې ويل شوي، د وزيراعظم په لارښوونه به اسحاق ډار د بل حکم پورې مرستیال وزيراعظم وي.
اسحاق ډار په داسې وخت کې مرستیال وزيراعظم ټاکل شوی چې د پاکستان وزيراعظم شهباز شرف د سعودي په سفر دی، پرون د اتوار / يکشنې په ورځ یې په نړيواله اقتصادي غونډه کې ګډون کړی، اسحاق ډار هم ورسره مل وو.
د پاکستان په ايين کې د مرستيال وزيراعظم د څوکۍ کوم ځای نشته يا یې ذکر هم نه دی شوی.
پاکستان کې له دې وړاندې په کال 2012م کې چې راجه پروېز اشرف وزيراعظم وو، هغه وخت کابينې ډويژن يوه اعلاميه جاري کړې او چودري پروېز الهي مرستيال وزيراعظم مقرر کړل شوی وو.
د قانون پوهانو په نظر د مرستیال وزیراعظم سره کوم واک اختیار نه وي، دا يوه علامتي غټه څوکۍ ده.
پاکستان کې د څيړونکو په نظر شهباز شریف دغه ګام ځکه پورته کړی چې يو خو د مسلم ليګ ن ګوند دننه د اختلافاتو خبرونه مخې ته راځي، دويم دا چې اسحاق ډار د بهرنيو چارو وزارت په څوکۍ نه وو خوشاله او ځينې بيا وايي، چې بل څوک د بهرنيو چارو وزير جوړول کیږي.
مسلم ليګ ن ګوند د اختلافاتو خبرونه رد کړی او د نورو خبرو په اړه کوم رسمي تاييد يا ترديد نه دی شوی.
Forum