لاس رسیدونکی لینک

تازه خبر

پاکستان

په پاکستان کې مذهب ته د سپکاوي قانون په اړه نړیوالې اندېښنې

واشنګټن: قهرجن لاریون کونکي دوه اونۍ مخکې په ټول پاکستان کې هغه مهال راپاسېدل کله چې ددغه هېواد سترې محکمې د اسیه بي بي پرضد د ۲۰۱۰ کال پرېکړه په شا کړه.

د پاکستان دغه عیسوۍ مېرمن حضرت محمد (ص) ته د سپکاوي په تور د تېزندۍ له سزا سره مخ وه.

خو د تحریک اې لبیک پاکستان په نامه د یوې مذهبي ډلې لخوا د هغې د خوشې کېدو لپاره د محکمې حکم په کلکه رد شو او د اړوندو قاضیانو د وژلو بیانونه یې ورکړل.

د پاکستان لومړي وزیر د یادې ډلې دغه بیانونه وغندل خو اسلام اباد بیا وروسته له تحریک لبیک پاکستان ډلې سره داسې یو تړون ته ورسېده چې له مخې به یې اسیه بي بي له هېواد څخه د وتلو اجازه نه لري.

پاکستان اسیه بي بي په یو پټ ځای کې ساتي. د بشر د حقونو فعالین دغه تړون غندي.

د بخښنې له نړیوالې ادارې څخه عمر وریاچ وايي:

"هغه څه چې ډېره په زړه پورې ده هغه دا ده چې د پاکستان ستره محکمه راپورته شوه او وویل چې اسیه بي بي، بې ګناه ده او په هغې لګول شوي تورونه ناسم دی. اوس به وینو چې ایا حکومت د سترې محکمې حکم پرځای کولای شي، قاضیان او اسیه بي بي ژغورلی شي او که نه. "

د نړیوالې مذهبي ازادۍ په برخه کې د امریکا کمیسیون وايي، مذهب ته سپکاوی په ۷۱ هېوادونو کې جرم ګنل کېږي خو په شپږو کې یې سزا مرګ ټاکل شوې ده.

له یادې ادارې څخه ګېرې بایر وايي:

"په منځني ختیځ کې دا ډول قوانین کله نا کله داسې پلي کېږي چې نه یواځې د لږکیو لخوا د مذهبي ازادیو په وړاندې تېری ګڼل کېږي بلکه هڅه کېږي د هغوی لخوا د بیان د ازادۍ حق محدود کړي او هغوي پرې وځوروي. "

بایر وايي، امریکا او نور هېوادونه دا اجازه نشي ورکولای چې سیمیزې امنیتي اندېښنې د مذهبي ازادیو په برخه کې د دوی د ملاتړ غږ ټپ او غلی کړي.

See all News Updates of the Day

د پاکستان د انتظام لاندې کشمیر کې د احتجاجي لاريون سره مذاکرات پيل شوي، انټرنېټ بند دی

Pakistan - Kashmir - Protest
Pakistan - Kashmir - Protest

د پاکستان د انتظام لاندې کشمیر کې پلازمينې مظفر اباد پله روانې د احتجاجي لاريون قافلې د موسم د خرابۍ باوجود راولاکوټ ښار ته رسېدلي، او په ‏سيمه کې انټرنېټ لا هم بند دی.‏

د لاريون انتظام کوونکې شريکې ولسي کمېټۍ او پاکستان د انتظام لاندې کشمیر د حکومت ترمنځ مذاکرات پيل شوي خو تراوسه د مذاکراتو په اړه نور ‏کوم تفصيل مخې ته نه دی راغلی.‏

ويل شوي، په مذاکراتو کې د حکومت لخوا چيف سيکرټري او د راولاکوټ کمشنر او د ولسي کمېټۍ ځينې مشران برخه اخلي.‏

پرون په درېمه ورځ احتجاجونه او مظاهرې روانې وې. له دغې په وړاندينۍ شپه په کوټلي کې په جرايي علاقه کې د پوليسو او مظاهره چیانو ترمنځ نښتو ‏کې د پوليسو يو افسر (اې اېس پي) او تحصيلدار په ګډون څو تنه ژوبل شوي دي.‏

د پاکستان د انتظام لاندې کشمیر کې د احتجاجونو او تشدد څخه ډکو مظاهرو په مهال موبايل انټرنېټ سروس ځنډول شوی دی، چارواکو په دغې اړه څه ‏نه دي ويلي.‏

ویل شوي په پلازمينه مظفر اباد کې نيم پوځي دستې رېنجرز په ځای کړل شوي دي.‏

په کشمير کې روانو احتجاجونو کې د تشدد په پېښو کې تراوسه پورې يو پوليس اهلکار وژل شوی او ګڼ مظاهره چیان هم ژوبل شوي دي.‏

د پاکستان د سرکاري خبري ادارې اې پي پي ترمخه وزیراعظم شهباز شريف د پاکستان د انتظام لاندې کشمير په حالاتو نن د ګل/ دوشنبې په ورځ د لوړې ‏کچې غونډه رابللې ده.‏

نوموړي په اېکس (پخواني ټویټر) د کشمير په حالاتو اندېښنه څرګنده کړې او په فريقېنو یې په پرامنه ډول د غوښتنو منلو دپاره د تګلارې جوړولو ټينګار ‏کړی دی.‏

شهباز شریف ویلي، قانون په لاسه کې اخستل او سرکاري ودانیو ته زيان رسول به ونه زغمل شي.‏
او د پاکستان صدر اصف علي زرداري په ټولو فريقېنو د زغم څخه کار اخستو غږ کړی چې مسلې دې د خبرو اترو او مشورې د لارې هوارې کړل شي، ‏سياسي ګوندونه، رياستي ادارې او د کشمير ولس دې د زمه وارۍ نه کار واخلي چې دوښمن د حالاتو نه ګټه پورته نه کړي.‏

د پاکستان د انتظام لاندې کشمیر کې د بجلۍ په قيمتونو کې د کمي او په اوړو د سبسډۍ په سر احتجاجونه روان دي خو دا لړۍ د تېر کال راهسې دوام ‏لري.‏

تېر کال د مې په میاشت کې پيل شوي احتجاجي غورځنګ کې دوه غټې غوښتنې کېدې، يوه د پاکستان د انتظام لاندې کشمیر په دريابونو جوړېدونکې ‏بجلۍ د ضرورت ترمخه په پيداواري مصرف بيرته ځايي ابادۍ ته ورکول او بل د ګلګت بلتستان په څېر د اوړو په قيمتونو سبسډي يا مراعات ورکول ‏شامل دي.‏
په نورو غوښتنو کې د بېورو کرېسي او اشرافيه سرکاري مراعات کمول، بلدياتي استازو ته د پرمختيايي فنډونو منتقل کول، په کشمېر کې د موبايل فون ‏انټرنېټ ښه کول، د زده کوونکو د اتحاديو په ځای کول، د کشمير بېنک شيډولډ بېنک ګرځول، او په منګلا ډېم د رټوعه هريام پل جوړول شامل دي.‏

پاکستان کې د بشري حقونو کمېشن ويلي، د یاد غورځنګ په پيل کې د حکومت لخوا د دوی د غلي کولو په لړ کې د بشري حقونو سرغړونې شوي، او ‏ولسي شريکې کمېټۍ ویلي، ځينې مشران یې نيول شوي دي.‏

د پاکستان د واک لاندې کشمیر کې قهرجن احتجاجونه دوام لري، نښتو کې د ایس پي اؤ تحصلیدار په ګډون ګڼ نور عسکر هم ژوبل شوي

د پاکستان د واک لاندې کشمیر کې د بجلۍ اؤ اوړو په نرخونو کې د اضافې په ضد د جواینټ ایکشن کمیټۍ په غږ پیل شوي احتجاجونه د تشدد په ډکو پېښو بدل شوي او د احتجاجونو نه وروسته دغلته د موبایل انټرنیټ خدمات تړل شوي اؤ په مظفر اباد کې د رینجرز ځواکونو تعیناتولو اطلاعات هم ترلاسه شوي دي.
د پاکستان د واک لاندې کشمیر کې د بجلۍ اؤ اوړو په نرخونو کې د اضافې په ضد د جواینټ ایکشن کمیټۍ په غږ پیل شوي احتجاجونه د تشدد په ډکو پېښو بدل شوي او د احتجاجونو نه وروسته دغلته د موبایل انټرنیټ خدمات تړل شوي اؤ په مظفر اباد کې د رینجرز ځواکونو تعیناتولو اطلاعات هم ترلاسه شوي دي.

د پاکستان د واک لاندې کشمیر کې د احتجاجونو اؤ لاریونونو لړۍ نن په دریمه ورځ هم دوامداره ده اؤ تېره شپه د کوټلي په جرایي سیمه کې د پولیسو اؤ مظاهره چیانو تر منځ بیا نښته شوې .

د وي او ای اردو د رپورټ له مخې په دې نښته کې د پولیسو د یو لوړ پوړي افسر یا ایس پي اؤ یو تحصلیدار په ګډون ګڼ شمیرعسکر ژوبل شوي دي.

د پاکستان د واک لاندې کشمیر کې د ګرانۍ په ضد د پیل شوؤ قهرژنو احتجاجونو نه وروسته دغلته د موبایل انټرنیټ خدمات تړل شوي اؤ په مظفر اباد کې د رینجرز ځواکونو تعیناتولو اطلاعات هم ترلاسه شوي دي.

د پاکستان د واک لاندې کشمیر کې د بجلۍ اؤ اوړو په نرخونو کې د اضافې په ضد د جواینټ ایکشن کمیټۍ په غږ پیل شوي احتجاجونه د تشدد په ډکو پېښو بدل شوي اؤ د خالي په ورځ هم د مظاهره چیانو اؤ پولیسو تر منځ نښتو کې یو پولیس افسر وژل شوی اؤ په لسګونو نور کسان ژوبل شوي وؤ.

د اتوار په سهار لانګ مارچ کې شاملې قافلې له کوټلي نه را روانې شوي اؤ د تته پاني په لاره پونچهـ ضلعې ته ننوتي دي خو د اتوار په په سهار بیا په یو مقام هم د پولیسو اؤ مظاهره چیانو تر منځ د نښتې څه اطلاعات مخې ته نه دي راغلي.

د امریکا غږ په رپورټ کې ویل شوي چې د لانګ مارچ د برخه والو د مخې نیولو لپاره سیمه ییزې انتظامیې د پولیسو په مرسته په سړګونو د شګو ډیري ودرولي اؤ لارې یې تړلې دي خو وایي چې مظاهره چیانو دغه خنډان مات کړي‌ اؤ د پرمخ تللو لپاره یې ځانته لاره پاکه کړې ده.

د تشدد نه له ډکو احتجاجونو وروسته حکومت د پاکستان د واک لاندې د کشمیر په یو شمیر ښارونو کې د موبایل انټرنیټ خدمات ځنډولي دي خو سرکاري چارواکو د انټرنیټ د تړلو په اړوند په رسمي توګه څه نه دي ویلي.

تر دې وړاندې د خالي په ورځ میر پور سره نزدې په اسلام ګړ سیمه کې د مظاهرینو سره په نښته کې د تهوتهال میر پور پولیس تاڼې مرستیال ایس ایچ او سب انسپکټر عدنان فاروق وژل شوی اؤ په لسګونو نور کسان ژوبل شوي وؤ.

رپورټونه وایي چې پولیسو تر 100ؤ زیات مظاهره چیان نیولي هم دي.

په سوشل میډیا خپرو شوؤ یو شمیر ویډیوګانو کې لیدل کیږي چې پولیس په مظاهره چیانو ډزې کوي، اوښلن ګازونه پرې کاروي اؤ په کوتکونو یې وهي.

په مظفر اباد کې د پولیس د مرکزي کنټرول روم له مخې د کوټلی ضلعي روغتون ته 40 زخمیان وړل شوي چې پکې 12 پولیس عسکر اؤ نور مظاهره چیان شامل دي.

جواینټ ایکشن کمیټې دعوه کړې ده چې مظفر اباد کې د پولیسو په تشدد 36 کسان ژوبل شوي اؤ 60 نور نیول شوي دي خو د مظفر اباد ډپټي کمشنر ندیم جنجوعه بیا د 28 کسانو د نیول کېدو پخلی کړی دی.

د پاکستان د واک لاندې د کشمیر وزیراعظم چوهدري انوار الحق له دغه پرتشدده احتجاجونو وروسته عوامي ایکشن کمیټې ته د مذاکراتو بلنه ورکړې ده.

د خالي په شپه ناوخته په کشمیر هاوس اسلام اباد کې یو بیړني مطبوعاتي کانفرنس ته په وینا کې وزیراعظم انوار الحق ویلي عوامي ایکشن کمیټی که د اوړو اؤ بجلۍ نرخونو کې د رعایتونو غوښتو تر څنګ په هره غوښتنه مذکرات کول غواړي نو حکومت ورسره په پراخه زړه خبرو اترو ته تیار دی.

هغه ویلي عوامي ایکشن کمیټي که په هره کچه مذاکرات کول غواړي را دې شي اؤ د ستونزو هواری دې د خبرو له لارې راوباسي.

انوار الحق ویلي چې حکومت د خپلو ایتلافي ګوندونو سره د مشورې په رڼا کې کې د بجلۍ اؤ اوړو په نرخونو کې لا نورو رعایتونو ورکولو ته چمتو دی اؤ که ولس ته ددې رعایتونو ورکولو پسر حکومت ته ترقیاتي بجټ کمول ورپغاړه شي نو هم به یې کم کړي خو په بجلۍ اؤ اوړو به ولس ته رعایت ورکړي.

کراچۍ کې ۱۷ کاله وړاندې په ننۍ ورځ وژل شوي کسانو خپلوان لا هم د انصاف په تمه دي

Karachi 12 May Incident Thumbnail
Karachi 12 May Incident Thumbnail

د کال ۲۰۰۷م په ۱۲مه نېټه په کراچۍ کې د تشدد په بېلا بېلو پېښو کې تر ۵۰ زیات کسان وژل شوي وو او په سلګونو نور ژوبل شوي وو. پښتون ملتپاله ګوندونه دعوه کوي چې په وژل شوو کې د ۴۵ نه زیات پښتانه وو.

که څه هم د دغه پېښې ۱۷ کاله پوره شول، خو د وژل شوو خپل خپلوان وايي تر اوسه د انصاف په تمه دي.

د عوامي نېشنل ګوند د کراچۍ مشر شاهي سېد د دغې ورځې په مناسبت په یو خپور کړي بیان کې دغه ورځ یوه توره ورځ بللې او زیاته کړې یې ده چې د خپلو شهیدانو قرباني به ضاېع کیدو نه ته پرېږدي. شاهي سېد د پاکستان ستر محکمې مشر قاضي نه غوښتنه کړې چې د پېښې ذمه وارانو ته دې سزا ګانې ورکړي.

د پښتونخوا ملي عوامي ګوند يو مشر صابرين خان چغرزې وي او ای ډيوه سره خبرو کې وايي د 12م مې 2007م د پېښو په مناسبت يې نن غونډه راجوړه کړې وه. دوي په ياده نيټه وژل شوو پښتنو ته د انصاف ورکولو غوښتنه کوي او زیاتوي تر هغې به دا ورځ لمانځي تر څو پورې چې په دغه ورځ د تشدد په پېښو کې ککړ کسان نيول شوي نه وي او وژل شوو ته انصاف نه وي ورکړې شوی.

د کراچۍ پوليسو په وينا د 12 مې د پېښو په تړاؤ 65 مقدمې درج شوې وې او د 36 مقدمو چالانونه هم عدالت ته څه مونده وړاندې جمع کړی شوي دي.

په کراچۍ ښار کې دغه خونړۍ پېښې هغه وخت رامنځته شوې وې چې د هغه وخت صدر او پوځي امر پروېز مشرف د سترې محکمې مشر قاضي (ر) افتخار چودهري د خپلې عهدې نه ګوښه کړی وو.

په دغه ورځ مشر قاضي د سېند هايي کورټ بار اېسوسي اېشن په یوه غونډه کې د ګډون لپاره د کراچۍ ښار سفر کوو. په دغه مهال د سياسي ګوندونو مشرانو، کیلانو او د مدني ټولنې غړو غوښتل چې هوايي ډګر ته ورشي او د مشر قاضي هرکلی وکړي خو دوي نه وو پرېښودل شوي.

مطبوعاتي رپورټونه وايي په دغه لړ کې د سترې محکمې لرې کړل شوي قاضي د پلویانو او د ایم کیو ایم فعالانو(چې د جنرل مشرف ‌د حکومت ملاتړی وو) تر منځ د ښار په بيلا بيلو سيمو کې خونړي پېښې رامځته شوې وې.

یو شمېر سياسي ګوندونه او وکيلان د 12م مې د پېښو ذمه وار د هغه وخت پوځي صدر پرويز مشرف او د ايم کيو اېم حکومتي واکمن ګرځوي.

د متحده قومي موومنټ (پاکستان) کنوینر خالد مقبول صدیقي 2 کاله وړاندې په کوټه کې د بلوچستان هائي کورټ بار غړو سره په خبرو کې د 12م مې خونړۍ پېښو په سر د خپل ګوند لخوا بخښنه غوښتې وه. خالد مقبول زیاته کړې وه چې‌ د دوي ګوند په غلط فهمي/ ناسم قضاوت په دغه پېښو کې کارول شوی وو او دوي په دغه پېښه پښېمانه دي.

د افغانستان ډېر نرښځیان د پاکستان کراچۍ ښار ته کډه شوي

په خیبر پښتونخوا کې میشت د افغانستان ځینې نرښځیان وايي، په پېښور کې د ځايي نرښځیانو ژوند ته د ورپېښو ګواښونو له امله دوی اړ شول چې د پاکستان صنعتي ښار کراچۍ ته کډه وکړي. د دغو نرښځیانو په وینا په خیبر پښتونخوا کې نرښځیان پرله پسې تر بریدونو لاندې دي چې پکې یو شمېر یې وژل شوي او ژوبل شوي دي.

د افغانستان یو کډوال نرښځي حوریه امریکا غږ ته وویل له نورو ملګرو سره یوه اوونۍ وړاندې له پېښور څخه کراچۍ ته کډه شوي دي.

نوموړي زیاته کړه، ٫٫ په پېښور کې به چې پروګرامونو ته ولاړ نو نه یوازې دا چې پیسې به یې نه ورکولې بلکې د جنسي تېري هڅې ورباندې کېدلې او چې انکار به يې کولو نو بیا به يې ورسره وهل ټکول کول او د مرګ دړکې به يې ورکولې نو د خپل ځان د خوندي کولو او د معاش له امله کراچۍ ښار ته کډه شوي دي.٬٬

د افغانستان یو بل نرښځي چاندي امریکا غږ ته وویل، دوی یو وارې د ښادۍ یو پروګرام ته تللي وو او چې د شپې تر درېو بجو پورې يې د نڅا پروګرام وکړ او د ښادۍ کوربه ته يې د پیسو وویل، نو هغوی پرې تشدد وکړو. د دوی په وینا چې په پښتونخوا کې یې ژوند له کړاونو سره مخ وو نو ځکه ترې ووتل.

د چاندي په وینا دوی خو په ټولنه کې هغه خلک دي چې هېچا ته زیان نه رسوي او د خلکو ښادۍ ته خوښي بښي، خو دا ټولنه يې بیا هم په هوسا ژوند ته نه پرېږدي نو د ژوند کولو ورسره بله هېچاره نشته او نه دوی داسې سازمان لري چې د دوی لپاره غږ پورته کړي او ژوند يې خوندي شي.

د یادولو ده چې په پېښور او یا د خیبر پښتونخوا په نورو ښارونو او سیمو کې په نرښځیانو بیا بیا بریدونه کېږي چې يا پکې یوشمېر وژل شوي او یا ژوبل شوي دي.

د پولیسو په وینا د سږني کال ۲۰۲۴م په مۍ میاشت کې د پېښور په کوهاټ سړک پر یو موټرسایکل سپرو کسانو دوه نرښځيان په ډزو ووژل چې یو پکې بجلي نومېده او بل عاصمه شاه نومېدو، تر دې وړاندې د سږ کال په مارچ میاشت کې هم دوه نرښځیانو باندې ډزې شوې وې چې پکې دواړه ژوبل شوي وو.

په پېښور کې د نرښځیانو د حقونو لپاره کارکونکي قمرنسیم امریکا غږ ته وويل، په پاکستان کې پر نرښځیانو د بیا بیا بریدونو له کبله نرښځیانو د نڅا کار پرېښی دی او اکثره پکې د معاش په خاطر خیرات غوښتو ته اړ شوي دي چې په لارو کوڅو یا په څلور لارو کې ولاړ وي او خیراتونه غواړي.

د نوموړي په وینا د افسوس خبره دا ده چې د پاکستان حکومت د نرښځیانو د ساتنې لپاره هېڅ کړنلاره نشته خو یوه مسله دا هم ده، چې ”دلته که زموږ خلک دا نه قبولوي یا نورو علتونه وي خو یوه وجه پکې دا ده چې ۹۰ فیصده هغه نرښځيان وژل شوي دي چې له خلکو سره يې دوستۍ کړي وي او بیا هغوی نه شي زغملې چې ملګری يې د خلکو پر وړاندې نڅا وکړي نو دا ډېره عجبه ستونزه ده. “

د یادولو ده چې د سږ کال د فبرورۍ میاشتې پر شپاړسمه نېټه د خیبرپښتونخوا عالي محکمې د افغانستان نږدې ۱۶ نرښځیانو په باب د پاکستان حکومت ته امر کړی وو چې هغوی دې په زوره نه ویستل کېږي ځکه چې افغانستان کې د دوی ژوند د مرګ له ګواښ سره مخامخېدای شي.

د وي او ای اشنا په مننه

د بلوچستان اعلا وزیر ویلي په چمن لاره په پاسپورټ تګ راتګ عملي کول لازمي دي خو احتجاج کونکي وايي پاسپورټ نه مني

File photo
File photo

د بلوچستان اعلا وزیر د دفتر لخوا خپور شوي یو بیان کې ویل شوي چې په چمن کې په پاسپورټ د تګ راتګ پرضد روان احتجاج او د چمن تازه حال په اړه اعلا وزیر مير سرفراز بګټي ته نن د هغه په دفتر کې تفصيلي بريفينګ ورکړل شوی.

د سرکاري خبر تر مخه " د وزير اعلا له لوري جوړه شوې یوه کمېټۍ به نن د يک شنبې تر ماښامه پورې چمن ته ځانونه رسوي او هلته به له اړوند اړخونو سره ليده کاته او خبرې اترې کوي او په دې باب به د چمن سياسي ګوندونه هم په اعتماد کې اخلي".

د خبر تر مخه په کمېټۍ کې د صوبايي اسمبلۍ سپيکر عبدالخالق اڅکزی، د کورنيو چارو وزير مير ضياء لانګو، د صوبايي اسمبلۍ غړی ظفر اغا، د وزيراعلي پرنسپل سيکرټري عمران زرکون، ايډيشنل چيف سيکرټري داخله زاهد سليم او نور لوړ پوړي چارواکي شامله دي.

بل لوري ته د بلوچستان په پښتون ميشته سيمه چمن ښار د بيلا بېلو موبايل کمپنيو انټرنيټ له تيرې شپې څخه بند دي. ځايي خلک او احتجاج کونکي وايي، د حکومت په غوښتنه انټرنيټ ځکه بند شوی چې د پرلت والو او د چمن پر خلکو روان جبر او د احتجاج کونکو ږغ تر نړۍ ونه رسېږي.

د یوې موباېل کمپنۍ یو چارواکي د نوم نه ښکاره کولو په شرط د وي او ای ډیوه خبريال نعمت سرحدي ته ویلي، "موږ خپل انرنيټ د پاکستان ټيلي کمينيکېشن اتهارټي په غوښتنه بند کړی، دا زموږ ځايي پريکړه نده."

وي او ای ډیوه پدې اړه د بلوچستان حکومت وياند شاهد رند سره د ټيلي فون له لارې د تماس نيولو هڅه وکړه خو تماس ورسره ونه شو. د انټرنيټ د بندولو په اړه انتظامي يا حکومتي اعلا چارواکو کوم دريځ ندی ورکړی.

د پرلت د کمېټۍ يوه مشر په یو بيان کې له موبايل له کمپنيو غوښتي چې دوی دې انټرنيټ ژر تر ژره خلاص کړي او دهړکه یې کړې که داسې ونه شي نو احتجاج کونکي به د دوی دفترونه وتړي او د هر قسم زيان زمه واره بيا کمپنۍ پخپله وي.

په چمن ښار کې د تېر کال د اکتوبر له مياشتې احتجاجي پرلت روان دی او له تيرې يوې اونۍ په دې احتجاج کې شدت راغلی. دا احتجاج د پاکستاني حکومت د هغې پريکرې پر ضد دی په کوم کې چې ويل شوي چې نور به د چمن ضلعې او د افغانستان د بولدک سيمې خلک د کرښې دواړو غاړو ته پر پاکستاني شناختي کارډ او د افغانستان پر تذکره تګ راتګ نه کوي او یواځې په پاسپورټ به د تګ راتګ اجازه وي.

د چمن سياسي او مذهبي ګوندونو، لغړي اتحاد او فعالانو د دې پريکړې د نه منلو اعلان کړی او ورځ تر بلې احتجاج په شدت کې زيات والی راولي. احتجاج کونکو له تيرې يوې اونۍ د کوټې چمن لويه لاره پر کوږک بنده کړې، په چمن ښار کې د پاسپورټ دفتر، د نادرا دفتر، د چمن چيمبر اف کامرس، سرکاري او غير سرکاري بانکونه تړلي چي لا هم هم بند دي.

له افغانستان سره د افغان ټرانزټ په ګډون هر ډول تجارت هم له تيرې يوې اونۍ راهسې بند دی. احتجاج کونکي تور لګوي چې د ايف سي ځواک له لوري پر پرلت والو تشدد او ډزې شوې چې پکې یو احتجاجي ملګري وژل شوی ډيری ټپي شوي هم دي.

ايف سي پدې اړه کوم دريځ ندی ورکړی خو د ډيوه د خبريال نعمت الله سرحدي په وينا ځايي انتظاميې د احتجاج کونکو پر ضد د هغې پېښې مقدمه درج کړې.

د چمن د پرلت یو غړي مولوي عبدالمنان و ډيوه ته ويلي، "ځکه مو اوس په سخت احتجاج لاس پورې کړی چې حکومت زموږ غوښتنې لا هم ندي منلې او نه حکومت پدې اړه سنجيده دی، که هم داسې وي نو موږ به نور سرکاري دفترونه هم د احتجاج په توګه وتړو"۔

نور کتل

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:58 0:00
XS
SM
MD
LG